लोणावळा परीसर हा थंड हवेचे ठिकाण असल्याने परीसरारत मोठया प्रमाणात पर्यटक फिरण्यासाठी, राहण्यासाठी येतात. काही पर्यटकांचे स्वतःची घरे आहेत तर काही पर्यटक भाडेतत्वावर घरे घेवून राहतात. पर्यटकांचे तसेच स्थानिकांचे घरामध्ये चोरी होत असल्याबाबत वारंवार तक्रारी येत असल्याने मा पोलीस
अधीक्षक साो पुणे ग्रामीण यांनी स्थानिक गुन्हे शाखेला कारवाई करणेबाबत सूचना केल्या होत्या. त्या अनुषंगाने स्थानिक गुन्हे शाखेचे पोलीस निरीक्षक अविनाश शिळीमकर यांनी मार्गदर्शन लोणावळा विभागाचे उपविभागीय पोलीस अधिकारी सो श्री सत्यसाई कार्तिक यांचेशी संपर्क साधून त्यांचे मार्गदर्शनाखाली लोणावळा उप विभागाची गुन्हे आढावा बैठक घेण्यात आली. गुन्हे घडले ठिकाण, गुन्हयाची वेळ, गुन्हे करण्याची पद्धत याचा अभ्यास करून घरफोडी चोरीचे गुन्हे उघडकीस आण स्थानिक गुन्हे शाखेचे एक पथक तयार करणेत आले. स्थानिक गुन्हे शाखेच्या पथकाने लोणावळा परिसरात आपला वावर वाढवून सीसीटीव्ही फुटेज तपासले, तसेच गोपनीय बातमीदार आणि तांत्रिक विश्लेषणाचे आधारे तपास सुरू केला. उपलब्ध माहितीचे आधारे सदरचे गुन्हे हे रेकॉर्डवरील गुन्हेगार नामे १) वसीम सलाऊद्दीन चौधरी वय २७ वर्षे रा. वाकसाई, वरसोली लोणावळा ता. मावळ जि. पुणे हा असल्याची माहिती समोर आली, त्यास तपासकामी ताब्यात घेवून तपास केला असता, त्याने चोरी केल्याचे निष्पन्न झाले. आरोपी वसीम हा उघडया दरवाजावाटे, स्लायडींग खिड़की द्वारे घरात प्रवेश करून घरातील रोख रक्कमेसह मौल्यवान वस्तूंची चोरी करत असल्याचे निष्पन्न झाले आहे. चोरीचे काही गुन्हयात त्याचे साथीदार नामे २) सलीम सलाऊद्दीन चौधरी वय २१ वर्षे रा. लोणावळा ता मावळ जि पुणे ३) शहारूख बाबू शेख वय २१ वर्षे रा. लोणावळा ता मावळ जि पुणे यांचा सहभाग असल्याने त्यांना देखील ताब्यात घेण्यात आले आहे. आरोपीकडून अदयाप पर्यंत एक तोळा वजनाची सोन्याची चेन, दोन डायमंडच्या अंगठया. एक सोन्याची अंगठी, दोन मोटार सायकल, रोख रक्कम असा एकूण २,२६,७००/- रू. किं.चा मुद्देमाल हस्तगत करणेत आलेला असून आरोपी वसीम चौधरी हा सध्या पोलीस कस्टडी रिमांड मध्ये असून इतर दोन आरोपींचा मा. न्यायालयाने जामीन मंजूर केला असून आरोपी वसीम चौधरी या आरोपीवर यापूर्वी आट घरफोडी चौरीचे गुन्हे दाखल असून आरोपींकडून एकूण दहा गुन्हे उघडकीस आले आहेत. उघडकीस आलेले गुन्हे लोणावळा शहर पोस्टे १) ३१७/२०२३ भादंवि ३८०, २) २१४ / २०२३ भादंवि ३८०, ३) १६२ / २०२३ भादंवि ३८०, ४) २१३ / २०२३ भादंवि ३८०, ५) २३५ / २०२३ भादंवि ३७९, ६) १७८ / २०२३ भादंवि ३७९, ७) २९८ / २०२३ भादंवि ३७९. ८) ६७ / २०२३ भादंवि ४५४, ३८०, ९) ७१ / २०२३ भादंवि ४५४,४५७,३८० लोणावळा ग्रामीण पोस्टे १०) ४४६ / २०२३ भादंवि ४५४, ४५७,३८० लोणावळा परीसरात राहणारे लोक तसेच येणारे पर्यटकांनी रात्रीचे वेळी तसेच फिरण्यासाठी बाहेर पडताना आपआपले घरांचे दरवाजे-खिडक्या व्यवस्थीत लॉक करावेत. दरवाजा खिडकी उघडे ठेवून झोपू नये, तसेच स्लायडीग खिडक्यांना लोखंडी ग्रिल लावावेत. सीसीटीव्ही कॅमेरे लावणेबाबत पुणे ग्रामीण पोलीस अधीक्षक डॉ अंकित गोयल सो तसेच लोणावळा उप विभागाचे उपविभागीय पोलीस अधिकारी श्री सत्यसाई कार्तिक सो यांनी आवाहन केले आहे. सदरची कामगिरी मा. पोलीस अधीक्षक श्री अंकित गोयल सो पुणे ग्रामीण, मा अपर पोलीस अधीक्षक श्री मितेश घट्टे सो पुणे विभाग, मा उपविभागीय पोलीस अधिकारी श्री सत्यसाई कार्तिक सो लोणावळा उपविभाग यांचे मार्गदर्शनाखाली स्थानिक गुन्हे शाखेचे मा. पोलीस निरीक्षक अविनाश शिळीमकर, सपोनि नेताजी गंधारे, पोसई प्रदीप चौधरी, सफी प्रकाश वाघमारे, पोहवा राजु मोमीण, अतुल डेरे, चंद्रकांत जाधव, मंगेश थिगळे, पोना बाळासाहेब खडके, अमोल शेडगे, पोकों मंगेश भगत, प्राण येवले चासफी काशिनाथ राजापूरे, पोहवा शकील शेख यांनी केली असून पुढील तपास लोणावळा शहर पो.स्टे. चे पो नि सिताराम डुबल, लोणावळा ग्रामीण पो.स्टे. चे पो नि किशोर धुमाळ हे करत आहेत. पुणे ग्रामीण पोलीस