प्रतिनिधी लहू लांडे
श्री दत्त जयंती सोहळ्यानिमित्त अखंड हरिनाम सप्ताह व ज्ञानेश्वरी पारायण सोहळा दत्तनगर ,खरपुडी बुद्रुक. ता. खेड येथे उत्साही वातावरणात सुरू आहे. आज दिनांक ११ डिसेंबर २०२४ बुधवार रोजी ह.भ. प. बाळशिराम महाराज मिंडे ( कोहिंडे) यांचे सुश्राव्य कीर्तन रुपी सेवा झाली . आपल्या कीर्तनामध्ये ज्ञान ,भक्ती, कर्म कसे करावे आणि देवाचे दास व्हावे. प्रत्येकाने नामस्मरण करावे. काळ फक्त भगवंतालाच घाबरतो . देवाचे नामस्मरण जर केले नाही तर मनुष्य जन्माचे सार्थक होणार नाही. सुख हे नामात आहे पैशात नाही. माणसाने सोन्यात अडकुन जाऊ नये तर हरिनामात अडकून जावे असे स्पष्ट मत त्यांनी मांडले. लेक वाचवा आणि लेक शिकवा हा तोला मोलाचा संदेश दिला. महाराजांनी अनेक वेगवेगळे दाखले देऊन सर्व भाविक भक्तांची मने जिंकली. यावेळी गायक म्हणून ह .भ. प. निवृत्ती महाराज थोरात, बबन पवळे ,मारुती पराड, मल्हारी भोगाडे, काळुराम काळे, दत्तात्रेय बरबटे ,आबा भगत यांनी सुरेख असे गायन केले .हार्मोनियमची साथ ह. भ .प. साहेबराव पोटवडे यांनी दिली. पखवाद वाद्याची साथ ह.भ. प. पाबळचे पिंगळे महाराज यांनी दिली. अनेक भाविक भक्तांनी या कीर्तनरुपी सेवेचा आणि महाप्रसादाचा लाभ घेतला. कृषी उत्पन्न बाजार समिती खेड चे विद्यमान संचालक व खरपुडी नगरीचे आदर्श सरपंच जयसिंग भोगाडे, मा. सभापती दशरथ गाडे, अध्यक्षा महिला राष्ट्रवादी काँग्रेस पश्चिम विभाग खेड तालुका सुजाता पचपिंड, सामाजिक कार्यकर्त्या सविता भोगाडे आणि खरपुडी गावातील विविध संस्थांचे आजी-माजी पदाधिकारी, अनेक भाविक भक्त , ग्रामस्थ आणि महिला वर्ग मोठ्या संख्येने उपस्थित होता.अखंड हरिनाम सप्ताह मंडळाचे आयोजन आणि नियोजन सुरेख असल्यामुळे सर्व स्तरावरून त्यांचं कौतुक होत आहे.